Zoo-ilógico

Zoo-ilógico é un divertidísimo álbum de Raúl Romero e Ramón París.

O mundo animal é o protagonista dun brillante xogo de adiviñas. A dobre páxina, pregúnta ao lector por un animal e na seguinte páxina resolve o enigma.

Per tamén ofrece unha oportunidade para investigar e afondar nas cualidades dos animais que aparecen. Un deses libros que non saberiamos moi ben onde catalgor: álbum ou libro informativo? por que non os dous?.

Para aproveitar, as miniaturas que aparecen dialogando ao final do libro, unha oportunidade para seguir aprendendo de forma lúdica e seguir con este xogo infinito.

El muro en mitad del libro

El muro en mitad del libro é a obra multipremiada de Jon Agee.

O título do libro representa a metáfora do mesmo, un muro divide as dúas páxinas enfrontadas e vai fiando a historia.

Nun lado do muro, un pequeno cabaleiro vive máis preocupado do que hai a o outro lado que do que sucede as súas costas.

Unha oportunidade para traballar os medos, para achegarse á importancia de aprender a ver máis alá e a necesidade de derrubar os muros que nos impiden medrar e aprender.

Juego de Letras

Juego de Letras unha nova achega da colección de poegramas De la cuna a la luna para prelectores.

Ese binomío fantástico, formado por Antonio Rubio e Óscar Villán, volve  a conseguir que rima e ilustración sumen un poema gráfico.

As letras do alfabeto, a través de textos rimados, vanse definindo polas cualidades ou semellanzas a obxectos diversos. Imprescindible para a colección de alfabetos das nosas biblios.

Retratos Animales

Retratos Animales ou como xuntar natureza, información, denuncia e arte.

Este libro recolle o proxecto Zoo Portraits do fotógrafo Yago Partal. Este proxecto, iniciado no ano 2013, ten como obxectivos a divulgación e a protección da natureza e o reino animal  a través da arte.

Os retratos humanizados buscan identificarse co espectador e aprender e defender as escpecies que representan.

Unha obra de arte que convida a aprender, reflexionar e crear. Imprescindible!!!

Veo Veo ¿Qué ves?

Veo Veo ¿Qué ves? é un caderno de Emmanuele Ponty para fomentar  a imaxinación e liberar a creatividade.

A través das súas páxinas, que podes arrincar, descubrimos como transformar imaxes cotiás en outras sorprendentes. Aprendemos a mirar as cousas doutro xeito e a pensar que non sempre son o que parecen. Os exemplos propostos convidan ao alumnado a atreverse nos seus deseños. 

Veig-Veig from ZahoríBooks on Vimeo.

O can de Milu

O can de Milu chega da man do XII Premio Internacional Compostela de álbum ilustrado.

Mariann Maray ilustra a historia dunha amizade moi especial. Amosa a importancia do cuidado e atención ás nosas mascotas. Pero sobre todo, é un canto á liberdade, á falta de prexuizos, ao non deixarse levar polos estereotipos, un canto á diversidade.

Ao tempo que convida a un disfrute estético, a mergullarse nun mundo de cores vibrantes e suxerentes. Unha viaxe da casa´á cidade e ao bosque , ese lugar de liberdade que atopan os dous amigos.

Unha oportunidade para afondar na estética näif e traballar co noso alumnado os contrastes de cores e a súa forza estética e expresiva.

Mvsevm

Mvsevm é un xoia que aúna o talento de dous grandes do álbum ilustrado: Manuel Marsol e Javier Sáez Castán.

Un álbum que convida a reflexionar sobre o que é un museo na sociedade actual. O protagonista, inspirado en Edward Hopper, ábrenos a porta dun extrano edificio no que a realidade e a ficción mestúranse nunha fascinante experiencia pictórica.

Ideal para traballar co noso alumnado o significado dos museos e o seu valor para eles, a experiencia pictórica, a simboloxía das imaxes ... e aproveitar para dar unha volta pola arte contemporánea.

Yo Soy

Yo soy unha nova achega de Raquel Díaz Reguera

A historia dun neno "popular" ao que lle gusta unha nena "rarita". Novamente, a autora nos convida, dun xeito amable, a reflexionar sobre a exclusión de rapaces polo feito de ser diferentes, e nos axuda a como afrontar estas situacións.

Arquitec

Arquitec. 95 piezas para armar y crear tus construcciones, un libro-xogo de Dominique Ehrhad.

Un xogo para aprender sobre a creación arquitectónica, para crear estructuras aprendendo a seguir as instruccións.

Imprescindible para os espazos creativos das bibliotecas, os proxectos sobre arquitectura ou arte e o traballo co texto instructivo.

El pavoroso miedo de Epifanía Susto

Outro cómic, para todas as idades, que nos axuda a falar dos medos.

El pavoroso miedo de Epifanía Susto de Gauthier e Lefèvre, achega a historia dunha nena que ten medo todo o tempo e este a acompaña a todas partes. Cansa de vivir sempre asustada, emprende unha viaxe na que distintos personaxes intentarán axudala a enfrentar os seus medos.

Unha lectura para traballar os medos infantis e superación dos mesmos.

Súper - Elo

Da colección Wistiti de Mamut cómics, Súper Elo de María Ramos.

Elo é unha pequena gran aficionada aos cómics pero con moitos medos. Para vencelos decide convertirse nunha superheroína como as que aprecen nas súas lecturas.

Pouco a pouco vaise dando conta de que as cousas non son tan malas como parecen.

Un cómic para os máis pequenos que sirve para tratar o tema dos medos e as inseguridades e como afrontalos. Unha lectura que presenta a unha nena lectora de cómic e superheroína. Unha reflexión sobre a lectura como ferramenta para solventar os nosos problemas.

La Guerra de Catherine

La Guerra de Catherine é un cómic escrito por Julia Billet e ilustrado por Claire Fauvel, gañador do Premio ao mellor Cómic Xuvenil do pasado Festival de Angouleme.

Unha lectura obrigatoria para o alumnado de Secundaria de Francia,  que nos achega a historia de Catherina como refuxiada xudea nunha institución educativa, durante a segunda guerra mundial. A historia, a medio camiño entre a realidade e a ficción, revela como o marabilloso entorno que rodea a escola e as prácticas educativas fomentan a creatividade. Catherine fai da fotografía a súa vía de escape e de entender a realidade. Pon de manifesto que a arte, en situacións de conflicto, é capaz de darlle a volta a todo. Catherine retrata o mundo facendo das súas historias memoria histórica.

A alma perdida

Thule achéganos en galego unha xoia de álbum ilustrado: A alma perdida.

A premio nobel de literatura 2018, Olga Tokarczuk agasállanos cunha historia sobre a busca persoal,  do espazo propio, unha reflexión sobre o ritmo de vida actual e todo o que perdemos ... unha historia que flúe lenta e suave, convidando á reflexión.

A ilustradora Joanna Concejo súmase a esa narración lenta e tranquila cun debuxo minucioso e preciosista e cunha transición de cor, desde o sepia aos verdes e laranxas, que apoia o relato.

#25N: No me cuentes cuentos

No me cuentes cuentos. 100 mujeres españolas que cambiaron la historia y el cuento.

Este é un proxecto colaborativo impulsado por Prodigioso volcán e Kloshletter, que pretende visibilizar o traballo de 100 pioneiras como exemplo e inspiración para as nenas que comezan a pensar no seu futuro.

Neste proxecto participaron, desinteresadamente, máis de 150 persoas e os contos poden escoitarse en podcast.

3 Cuentos Infinitos

Ediciones Tralarí ofréce 3 contos infinitos creados en flexágonos, que convidan a xogar, xirar, contar e inventar historias que nunca teñen fin.

Unha fantástica idea para que o noso alumnado poda crear os seus contos infinitos, unha actividade que convida ao traballo cooperativo e colaborativo no que cada quen aporta os seus potenciais.

Animais - Froitas

Animais e Froitas son ás últimas novidades da colección Do berce á lúa.

 Os seus autores, Antonio Rubio e Óscar Villán, volven a agasallarnos con dous divertidos poegramas (pictogramas poéticos) nos que, dun xeito lúdico e melódico, coñeceremos aos animais , as froitas e as súas árbores.

Un convite a exercita a vista e o oído.

Si no te gusta leer, no es culpa tuya

Si no te gusta leer, no es culpa tuya.¿Leer o no leer? Ese es mi problema

Jimmy Liao convídanos a reflexionar sobre o papel da lectura e as librerías na sociedade actual.

Unha homenaxe á historia da literatura a través das citas de personaxes famosas e as ilustracións que nos levan dun xeito recurrente ao imaxinario do autor.

Unha fantástica idea para xogar co noso alumnado e convidalos (e convidarnos) a expresar as súas opinións sobre estas citas, a reflexionar sobre a a lectura, os libros, as librerías...

Imaxes da exposición do Museo ABC de Madrid

La piscina

La piscina, unha beleza de álbum ilustrado da marabillosa Ji Hyeon Lee.

Un convite a mergullarse nunha piscina que parece unha cousa e acaba sendo outra. Unha viaxe ao fantástico mundo da imaxinación, á busca do lugar propio, a mirar e ver o que hai máis aló da superficie. Un xogo entre o mundo gris da inmediatez e apariencia e o mundo de cor da curiosidade e o atrevemento. A alegría de cooperar e compartir...

Un valiosísimo exemplo de lecturas que nos inclúen a todos, que nos axudan a atopar o noso lugar.

ABCdiario

Unha aportación máis para unha colección de abecedarios que tanto gustan e tanto xogo dan para achegar ao alumnado ao mundo das letras, a lectura e a escritura.

Pablo Otero convídanos a participar do seu amor polas letras, que para él son obxectos manipulables e vivos. ABCdiario é un poema visual no que, a través de distintas disciplinas artísticas, as letras xogan en paralelo coas accións do autor.

Imprescindible a súa reedición.

Cosas que no hacen los mayores

Cosas que no hacen los mayores é un divertido álbum de Davide Cali  ilustrado por Benjamin Chaud dedicado a todos aqueles adultos que nunca se portan mal.

Un divertimento para traballar sobre esas chamadas de atención que facemos aos máis pequenos constantemente, sen decatarnos que nós mesmos somos protragonistas cotiás delas.

A ter en conta as gardas que convidan a un xogo con cadros universalmente coñecidos e que promove recrear novas versións doutras obras a partir da lectura do álbum.

#LeoAutorasOct V

Al Sur é un marabilloso álbum milustrado de Sofía Venzel, unha galega de Rusía. Nel narra, dun xeito moi persoal, as viaxes que facemos ao longo da nosa vida, ás veces físicas e ás veces coa imaxinación. Simulando esas aves que viaxan dúas veces ao ano para coñecer outros lugares.

Unha narración cargada de metáforas visuais, dobres lecturase múltiples sígnificados. A aparente sobriedade da ilustración esconde continúas chamadas de atención sobre detalles resaltados en laranxa.

Unha invitación para traballar todas estas lecturas co noso alumnado, para aprender a ler con todos os sentidos. Para retomar o mundo das metáforas e as alegorías. Para ver e mirar.

Unha demostración de a ausencia de cores crea ilustracións con gran riqueza de contidos.