Tea y Camaleón son hermanos

Tea y Camaleon son hermanos, unha pequena gran xoia de María José Ferrada ilustrada por Koichiro Kashima.

Un álbum que fai do diminuto algo moi grande da man de dous irmáns. Un convite a viaxar coa imaxinación a un mundo no que as pequenas cousas teñen grandes historias que contar, no que todo pode ser unha aventura para os que se atreven.

Unha oportunidade para traballar o valor da familia e da amizade, para valorar a importancia dos que temos cerca sen que os saibamos e que nos coñecen tan ben que sobran os formalismos sociais e as veces ata as palabras. 

Unha oportunidade para coller a lupa (real ou imaxinaria) e aprender a ver e mirar os pequenos detalles. Para recrear historias a partir do universo de pequenas criaturas con que nos agasalla o ilustrador.

Zoo-ilógico

Zoo-ilógico é un divertidísimo álbum de Raúl Romero e Ramón París.

O mundo animal é o protagonista dun brillante xogo de adiviñas. A dobre páxina, pregúnta ao lector por un animal e na seguinte páxina resolve o enigma.

Per tamén ofrece unha oportunidade para investigar e afondar nas cualidades dos animais que aparecen. Un deses libros que non saberiamos moi ben onde catalgor: álbum ou libro informativo? por que non os dous?.

Para aproveitar, as miniaturas que aparecen dialogando ao final do libro, unha oportunidade para seguir aprendendo de forma lúdica e seguir con este xogo infinito.

El muro en mitad del libro

El muro en mitad del libro é a obra multipremiada de Jon Agee.

O título do libro representa a metáfora do mesmo, un muro divide as dúas páxinas enfrontadas e vai fiando a historia.

Nun lado do muro, un pequeno cabaleiro vive máis preocupado do que hai a o outro lado que do que sucede as súas costas.

Unha oportunidade para traballar os medos, para achegarse á importancia de aprender a ver máis alá e a necesidade de derrubar os muros que nos impiden medrar e aprender.

Cosas que no hacen los mayores

Cosas que no hacen los mayores é un divertido álbum de Davide Cali  ilustrado por Benjamin Chaud dedicado a todos aqueles adultos que nunca se portan mal.

Un divertimento para traballar sobre esas chamadas de atención que facemos aos máis pequenos constantemente, sen decatarnos que nós mesmos somos protragonistas cotiás delas.

A ter en conta as gardas que convidan a un xogo con cadros universalmente coñecidos e que promove recrear novas versións doutras obras a partir da lectura do álbum.

#LeoAutorasOct V

Al Sur é un marabilloso álbum milustrado de Sofía Venzel, unha galega de Rusía. Nel narra, dun xeito moi persoal, as viaxes que facemos ao longo da nosa vida, ás veces físicas e ás veces coa imaxinación. Simulando esas aves que viaxan dúas veces ao ano para coñecer outros lugares.

Unha narración cargada de metáforas visuais, dobres lecturase múltiples sígnificados. A aparente sobriedade da ilustración esconde continúas chamadas de atención sobre detalles resaltados en laranxa.

Unha invitación para traballar todas estas lecturas co noso alumnado, para aprender a ler con todos os sentidos. Para retomar o mundo das metáforas e as alegorías. Para ver e mirar.

Unha demostración de a ausencia de cores crea ilustracións con gran riqueza de contidos.

#LeoAutorasOct IV

Lemos novidades de Autoras, un magnífico álbum ilustrado de María Ramos.

Bubble Gum Boy é a historia dun chicle que empeza curso nun novo cole. Vivimos con él os medos, as inquietudes, a incertidume daquel que se sinte diferente. Pero que marabilloso é que todos sexamos diferentes!

Un álbum para afrontar estos momentos de cambio e  traballar a inclusión e a diversidade nas nosas aulas. 

Migrantes

Migrantes é un imprescindible para as nosas bibliotecas escolares. Un álbum sen palabras para traballar e visibilizar o que o noso alumnado ve a diario nos medios de comunicación. Un grupo de animais que emprenden unha viaxe chea de morte e esperanza. As fantásticas ilustracións da peruana Issa Watanabe

promoven unha lectura reflexiva cara á empatía e solidaridade coas persoas que viven este drama. Unha ilustradora que promove a integración social a través da arte.emocións !

Isto sí que é traballar as emocións!!!